之前一直听朋友话珠海御温泉好得,去到就好似个皇帝感,去到边都有人服仕你,前晚去完之后我真系信了.第一次八月十五吾系广州过,而去到几十公里外的珠海,都系前一晚十二点几先决定,第二日就订埋房添了,一落班就冲番屋企陪屋企人食完餐饭就一支箭感冲出门了,从屋企到车站一直都系跑,真系有D似走佬,电话就一直拿系手边,距就一直用电话教我点跑,哈哈......终于都比我赶上左果晚最后一班车 ,不过感到可以系露天边浸温泉边睇住个好靓既月光就好开心了,坐左两个钟既车(个司机真系开得好慢,有D想叫距落车等我地黎开).
我地四个电波少年去到珠海就开始截车去御温泉了,都无想像中难,除左我地两个其他人都黎过两三次了,所以都算顺利叫到车黎接我地.吾系好远就黎到左了,晚黑既御温泉门口就已经话比人知距系做乜架了,大大架水车依着假山好慢感转紧,入到去有D似祈福D路,见到会所了,我地一落车就已经有人同我地开车门,好有礼貌感问我地是咪订好房既,仲送我地去check in添,大堂吾算豪华,有一种好舒服既感觉,周围都系木制品,我地check in既时候有一家人着住和服落紧楼,应该系去浸温泉了,一家大细感觉好温馨啊~~~~
我地住系三楼,走廊既灯光好柔和,第一间入住既房门口都有挂上"豪宅"的字样,又或者挂上客人既姓士"陈宅""李宅"......好有意思,就好似番自己屋企感,当服务生问我地是否挂既时候,我地一齐应距话,好啊!!睇黎大家都好中意哩度哦~~~入到房间,系塌塌米式既设计,好得意啊,木趟门,木柜,矮台,日式既冲凉房(有个小木桶,个蓬蓬头好靓架,好有贵气既感觉),哈哈......连一D平时酒店照顾吾到既野距都有香水,古龙水,花露水,olay,连爽身粉都有,真系你林到既都有.我地订既哩间房除左包浸温泉之外,仲包早餐,可以系天台烧一个钟既烟花同专车送到车站,开心开心~~~
好啦,我地玩完烟花系时候出动浸温泉了.大家都换上左和服,木屐,哈哈,个个都成个日本人感,俊男美女出动罗~~~~我系第一次浸温泉,之前一直对温泉有误解,觉得好脏,今日先知,真系好干净,而且D服务真系五星级,刚开始既时候有D热,慢慢就接受到了,开始一个一个泉去探索,浸到我都吾记得我浸左几多个泉了,我最中意系熏衣草,好放松,好舒服,想训觉,其他仲有花类既温泉我都好中意,抬头就可以见到圆圆既月光,你话几舒服哩~~~浸到够左,我地坐系沙滩椅上边倾计边睇夜色,凉风吹埋黎好舒服,同沙滩又系吾同既感觉.大家都静静地享受哩一刻既宁静.真希望下年既中秋再黎过.(其他相片请移玉步到相册睇~~~)
珠海既海鲜真系超正,不过要识得稳地方先食到又平又新鲜既海鲜,连我哩个吾食开海鲜既人都要树起只大拇指赞下先~~~相片都系请移玉步去相册慢慢睇啦~~~
评论